PER LA PROTECZIUN DA MUNTANERAS

Pasturs voluntaris – il num rumantsch descriva gia l’intenziun dal project. Ils pasturs e las pasturas protegian lur muntaneras – e precis quai faschain nus en quest project. Nus scolain gidanters e gidantras voluntaras per sustegnair possessuras e possessurs dad animals manidels tar la realisaziun da mesiras per proteger las muntaneras.

Engaschis actuals

Ti vulas sustegnair puras e purs tar la protecziun da muntaneras?
Alura ans legrain nus da tia annunzia! Per vesair ils detagls dals engaschis stos t’annunziar u ta registrar. 

Zäune abbauen in der Surselva
Abbauen von Weidenetzten bei Disentis
Blick von der Seite auf eine Schafherde, die talabwärts geht. im Hintergrund Tannen und dahinter eine Bergkette.
Weidenetze aufstellen auf Schafalp bei Bergün
Hirte auf Schafalp braucht Unterstützung
Ein Nolana-Schaf schaut in die Kamera. Drei weitere ziehen links davon.
Weidenetze auf- und abbauen im Prättigau
Die grosse Schar ist nun auf der Alp, die alten Weidezäune müssen abgebaut und für die Heimherde die neue Parzelle gezäunt werden
0

Total dis da lavur

0

Voluntari(a)s activ(a)s

L'idea

En tut la regiun alpina da la Svizra ston ins far quint cun lufs. Lur preschientscha porta novas sfidas per l’agricultura da muntogna. La tegnida da biestga manidla senza mesiras da protecziun consequentas n’è betg pli pussaivla en il territori dals lufs senza ina gronda ristga ch’ils animals da niz vegnian stgarpads. 

Nus vulain ans engaschar per sustegnair ils manaschis da dumagnar questa lavur supplementara. Nus ans gidain cun manaschis en ils chantuns Grischun e Glaruna. 

Schafe gehen in einer Linie einen steilen Hang hoch.
Ein junger Mann trägt ein weisses Weidenetz auf der linken Schulter und eines in der rechten Hand.

Sustegnair

Persunas voluntaras sustegnan possessuras e possessurs d’animals manidels tar lur lavur quotidiana da la protecziun da muntaneras. Uschia vegn rinforzada la protecziun da muntaneras, meglierada la convivenza da l’agricultura da muntogna e dal luf ed engrondida la chapientscha vicendaivla tranter la populaziun da la citad e da la populaziun da las muntognas.

Symbol einer Glühbirne

Curs da scolaziun

Avant ch’ils voluntaris vegnan tramess tar ils manaschis, scolain nus els durant in curs da dus dis. Durant il curs emprendan els ad enconuscher l'idea dal project e la basa da la protecziun da muntaneras. En la part pratica exerciteschan els da realisar correctamain mesiras da protecziun da muntaneras renconuschidas ed emprendan dad ir enturn cun chauns e cun nursas.

Symbol eines Menschen mit Hut.

Engaschi

Ils engaschis varieschan en durada ed lieu. Da curtas lavurs sin manaschis da chasa fin ad engaschis da plirs dis sin alps è segiramain per tuts insatge avant maun. Ils lieus d’acziun èn en il Grischun ed en il chantun da Glaruna. Las lavurs han lieu tranter il matg ed il november. Persunas voluntaras che han absolvì il curs da scolaziun pon s’inscriver online per engaschis. 

Sustegnair

Zwei Freiwillige stellen ein Weidenetz am Waldrand auf.

Duvrai Vus agid tar la protecziun da muntaneras? Nus prendain gugent encunter Vossa dumonda.

Mesiras sustegnidas

• eriger e far giu saivs
• erriger claus da notg
• segar sut las saivs
• pender si bindels sgulatschants
• sustegnair da midar pastgiras
• infurmaziun da visitadras e visitaders sin las alps
• surveglianza da la muntanera

Suenter Vossa annunzia telefonain nus a Vus per in scleriment preliminar. Sche Vus vegnis en dumonda per in sustegn visitain nus Vus sin Voss manaschi e discutain las pussaivladads d’engaschis.